టాలీవుడ్సినిమాసినిమా వార్తలు

‘అంధాదున్’ అనసూయ కీ రోల్

‘భీష్మ’ బ్లాక్ బస్టర్ హిట్టుతో మంచి జోష్ మీదున్న నితిన్ తాజాగా ‘అంధాదున్’ మూవీలో నటిస్తున్నాడు. బాలీవుడ్లో సూపర్ హిట్టుగా నిలిచిన ‘అంధాదున్’ మూవీని తెలుగులో నితిన్ తండ్రి సుధాకర్ రెడ్డి నిర్మిస్తున్నాడు. ఇటీవల హైదరాబాద్లో ఈ మూవీ షూటింగ్ లాంఛనంగా ప్రారంభమైంది. సస్పెన్స్ థిల్లర్ కథాంశంతో బాలీవుడ్లో మంచి విజయం సాధించింది. తెలుగు నేటివిటికి అనుగుణంగా కొన్ని మార్పులు చేసి రీమేక్ చేస్తున్నారు. తాజాగా ఈ మూవీకి సంబంధించిన ఒక సమాచారం హాట్ టాపిక్ గా మారింది.

‘అంధాదున్’ తెలుగు రీమేక్లో యాంకర్ అనసూయ కీ రోల్ పోషించనుందని తెలుస్తోంది. బాలీవుడ్ ‘అంధాదున్’లో సీనియర్ నటి టబు పాత్ర కీలకమైంది. అక్రమ సంబంధం పెట్టుకొనే లేడి విలన్ పాత్రలో టబు బోల్డ్ గా నటించింది. ఈ పాత్రనే అనసూయ చేయనున్నట్లు సమాచారం. రాంచరణ్ ‘రంగస్థలం’ మూవీలో రంగమ్మత్తగా అనసూయ అలరించారు. తాజాగా నితిన్ మూవీలో ఏకంగా టబు పాత్రనే దక్కించుకుంది. ఈ మూవీలో నితిన్ అంధుడిగా, ప్లియోనో ప్లేయర్ గా కనించనున్నాడు.

మేర్లపాక గాంధీ ‘అంధాదున్’ చిత్రానికి దర్శకత్వం వహిస్తున్నాడు.అంధుడైన వ్యక్తి ఓ హత్యకు ప్రత్యక్ష సాక్షిగా నిలుస్తాడు. నిందితులను అంధుడు చట్టానికి ఎలా పట్టించాడు అనేది సస్సెన్ప్ థ్రిల్లర్ గా తెరకెక్కనుంది. నితిన్ సరసన హబ్బాపటేల్ ఎంపికైనట్లు సమాచారం. యాంకర్ అనసూయ గోల్డెన్ ఛాన్స్ దక్కించుకుంది. అదేవిధంగా నితిన్ చంద్రశేఖర్ ఏలేటి దర్శకత్వంలో ‘రంగ్ దే’లో నటించనున్నాడు. బాలీవుడ్ ప్రేక్షకులను అలరించిన ‘అంధాదున్’ తెలుగులో ఎలాంటి విజయం సాధిస్తుందో వేచి చూడాల్సిందే.