టాలీవుడ్సినిమా

మలయాళ మెగాస్టార్ కు టాలీవుడ్ మెగాస్టార్ విషెస్


నేడు మలయాళ మెగాస్టార్ మోహన్ లాల్ 60వ జన్మదినం. ఆయన పుట్టినరోజును పురస్కరించుకొని అభిమానులు సంబరాలు చేసుకున్నారు. మరోవైపు సెలబ్రెటీలు ఆయనకు సోషల్ మీడియాలో బర్త్ డే విషెస్ చెబుతున్నారు. ఇప్పటికే టాలీవుడ్ నుంచి పలువురు ప్రముఖులు ఆయనకు పుట్టిన శుభాకాంక్షలు తెలిపారు. ఇదివరకే విక్టరి వెంకటేష్ ప్రియమైన స్నేహితుడి జన్మదిన శుభాకాంక్షలు అంటూ విషెస్ తెలిపారు. అత్యుత్తమ ప్రదర్శనలతో మమ్మల్ని అలరించండి సార్ అంటూ ట్వీట్ చేశాడు. తాజాగా మెగాస్టార్ చిరంజీవి మలయాళ మెగాస్టార్ మోహన్ లాల్ కు తనదైన శైలిలో బర్త్ డే విషెస్ చెప్పారు ఈ సందర్భంగా మోహన్ లాల్ తో దిగిన ఫొటోను మెగాస్టార్ ట్వీట్ చేసి అందరినీ ఆకట్టుకున్నారు.

‘నా ప్రియమైన లాలెట్టన్ మోహన్‌లాల్‌కు 60వ పుట్టినరోజు శుభాకాంక్షలు.. మీలాంటి వెర్సటైల్ యాక్టింగ్ లెజెండ్-సూపర్ స్టార్ ఉన్న కాలంలోనే చిత్ర పరిశ్రమలో నేనూ ఉన్నందుకు గర్వంగా ఉంది. మీరు ఇలాగే మీ నటనతో అందరిలో స్ఫూర్తినింపుతూ.. సోదరభావాన్ని పంచుతూ.. రాబోయే కాలంలోనూ ప్రేక్షకులను ఆహ్లాదపరచాలని కోరుకుంటున్నాను..’ అంటూ చిరంజీవి మలయాళంలో మోహన్‌లాల్‌కు జన్మదిన శుభాకాంక్షలు తెలిపారు.

మోహన్ లాల్ దాదాపు మూడు దశాబ్దాలుగా సినీ పరిశ్రమలో నటుడిగా రాణిస్తున్నారు. మలయాళ మెగాస్టార్ గానే కాకుండా ఇండియన్ యాక్టర్ గా మోహన్ లాల్ గుర్తింపు తెచ్చుకున్నారు. 60ఏళ్ల వయస్సులోనూ అభిమానులను తన నటనతో మెస్మరైజ్ చేస్తున్నారు. గురువారం ఆయన జన్మదినాన్ని పురస్కరించుకొని ‘దృశ్యం-2’ సిక్వెల్ కు సంబంధించిన ట్రైలర్ తన ట్వీటర్లో విడుదల చేసి అభిమానులకు సర్ ప్రైజ్ ఇచ్చారు. దేశంలో నెలకొన్న విపత్కర పరిస్థితుల దృష్ట్యా మోహన్ లాల్ జన్మదిన వేడుకలకు దూరంగా ఉన్నారు. మెగాస్టార్ చిరంజీవి మరో మెగాస్టార్ మోహన్ లాల్ కు పుట్టిన రోజు శుభాకాంక్షలు తెలుపడంతో అభిమానులు ఖుషీ అవుతున్నారు. ప్రస్తుతం మెగాస్టార్ ట్వీట్ వైరల్ అవుతోంది.