తెలంగాణరాజకీయాలు

మరో పోలీసుకు కరోనా పాజిటివ్!

ఇటీవల కరోనా సోకి చనిపోయిన పోలీసు కానిస్టేబుల్ దయాకర్‌ రెడ్డి మృతిని మరువక ముందే మరో ఏఎస్ఐ కి కరోనా పాజిటివ్ అని తేలడం అనేకమందిని బాధకు గురి చేసింది. బాలాపూర్‌ లో ఏఎస్ఐ గా పని చేస్తున్న సుధీర్ కృష్ణ కు కరోనా వైరస్ సోకింది. దీంతో సుధీర్‌ ను గాంధీ ఆస్పత్రికి తరలించారు. లాక్‌ డౌన్ నేపథ్యంలో పలు ప్రాంతాల్లో సుధీర్ విధులు నిర్వహించాడు. విధులు నిర్వహిస్తున్నప్పుడు కరోనా సోకి ఉండొచ్చని వైద్యులు అభిప్రాయపడ్డారు. గత రెండు రోజులుగా తీవ్ర జ్వరం, దగ్గు, జలుబు ఉండడంతో స్థానిక ఆరోగ్య కేంద్రంలో డాక్టర్లను కలిశారు. అతడికి ఫీవర్ ఆస్పత్రిలో కరోనా టెస్టు చేయగా పాజిటివ్ అని తేలింది. వెంటనే గాంధీ ఆస్పత్రికి అతడిని తరలించారు. సదరు పోలీసు స్టేషన్ లో పని చేస్తున్న సిబ్బందిని క్వారంటైన్‌ కు తరలించి పరీక్షలు నిర్వహిస్తున్నారు. అతడి కుటుంబ సభ్యుల హోంక్వారంటైన్ చేసి కరోనా టెస్టు చేస్తున్నారు.