టాలీవుడ్వైరల్సినిమా

వైరల్… మహేష్ తో సితార ‘టంగ్ ట్విస్టర్ గేమ్’ !


మహేష్ బాబు అభిమానులకు సూపర్ స్టార్ అయినా, ఆయన కుమార్తె తన గారాలపట్టి సితార ముందు మాత్రం ఓ సాధారణ తండ్రే. ఇక సితార ఫుల్ ఎనర్జిటిక్.. మహేష్ తో సరదాగా ఉంటుందన్న విషయం అందరికీ తెలిసిందే. కాగా లాక్ డౌన్ మొదలైన దగ్గర నుండి ‘నమ్రతా మహేష్’ సితారతో మహేష్ చేసే అల్లరికి సంబంధించిన వీడియోలు సోషల్ మీడియా వేదికగా ఫ్యాన్స్ తో పంచుకుంటున్నారు. తాజాగా సూపర్ స్టార్ మహేష్ బాబు తన ముద్దుల తనయ సితారతో చిన్నపిల్లాడిలా మారిపోయి టంగ్ ట్విస్టర్ గేమ్ ఆడుకుంటున్న వీడియోను పోస్ట్ చేశారు.

వ్యాక్సిన్ వచ్చేలోపే కరోనా అంతం కానుందా?

ఈ వీడియోలో సితార కష్టమైన ఓ పెద్ద పదాన్ని పలుకగా…అలా కాదు అంటూ మహేష్ సరిచేస్తుండగా.. సితార మాత్రం గేమ్ లో తానే గెలిచినట్లు తండ్రితో వాదనకు దిగడం, కూతురు అల్లరి చూస్తూ మహేష్ సరదాగా ఎంజాయ్ చేయడం.. వీడియోలో బాగా ఆసక్తి రేపుతోంది. సోషల్‌ మీడియాలో ఈ వీడియో ప్రస్తుతం వైరల్‌ గా మారింది. ఇక సితార సోషల్ మీడియాలో కూడా బాగా యాక్టివ్ గా ఉంటూ తన తండ్రి అభిమానుల కోసం తనకు సంబంధించిన రేర్ వీడియోలను ఫోటోలను పోస్ట్ చేస్తూ మహేష్ అభిమానుల్ని అలరిస్తుంటుంది.

కాగా ప్రస్తుతం మహేష్ బాబు హీరోగా ఫ్యామిలీ డైరెక్టర్ పరుశురామ్ దర్శకత్వంలో మెసేజ్ తో సాగే ఓ పక్కా ఫ్యామిలీ యాక్షన్ ఎంటర్ టైనర్ రాబోతుంది. అయితే ఈ లాక్ డౌన్ సమయంలో, మహేష్ బాబు మాత్రం పూర్తిగా తన కుటుంబ సభ్యులుతోనే గడుపుతున్నాడు.