గుసగుసలుటాలీవుడ్సినిమా

‘ఎమ్మెల్యే రోజా’ మెగాస్టార్ కి సిస్టర్ అట !


మలయాళ సూపర్ స్టార్ మోహన్ లాల్ హీరోగా వచ్చిన సూపర్ హిట్ మూవీ ‘లూసిఫర్’ను తెలుగులోకి మెగాస్టార్ చిరంజీవి రీమేక్ చేస్తున్న సంగతి తెలిసిందే. దర్శకుడు సుజీత్ దర్శకత్వం వహించబోతున్న ఈ సినిమాలో మంజు వార్యర్ పాత్ర కూడా కీలకమైనది. హీరోకి చెల్లి పాత్ర అయిన ఈ పాత్రలో మంజు వార్యర్ అద్భుతంగా నటించింది. కాగా తెలుగు వర్షన్ లో ఈ పాత్రలో ఎమ్మెల్యే రోజా నటించబోతున్నట్లు ఇండస్ట్రీలో తాజాగా వార్తలు వినిపిస్తున్నాయి. మరి ఈ వార్తలో ఎంత నిజం ఉందో తెలియాలంటే చిత్రబృందం నుండి అధికారిక ప్రకటన వచ్చే వరకు ఆగాలి.

నిమ్మగడ్డ వ్యవహారంతో ఉలిక్కిపడ్డ ఆంధ్రా బీజేపీ..!

ఆయితే ఈ పాత్రకు మాత్రం రోజా పర్ఫెక్ట్ గా సరిపోతుంది. హీరో పై ద్వేషంతో ఆవేశంతో రగిలిపోతూ.. చివరికి హీరో సాయం కోరే ఆ ఎమోషనల్ రోల్ కు రోజా పూర్తి న్యాయం కూడా చేస్తోంది. పైగా మెగాస్టార్ కి సిస్టర్ గా రోజా అంటే కొత్తగా కూడా ఉంటుంది. కాగా తెలుగు ఆడియన్స్ కోరుకునే ఎమోషన్స్ కి తగ్గట్టుగా లూసిఫెర్ స్క్రిప్ట్‌లో కొన్ని కీలకమైన మార్పులు చేశారని.. ముఖ్యంగా హీరోయిజమ్ ఎలివేషన్స్ ఉన్న సన్నివేశాలు సినిమాలోనే మెయిన్ హైలైట్ గా నిలిచేలా సుజిత్ ప్లాన్ చేస్తున్నాడట. అలాగే మెగా అభిమానులకు ఫుల్ జోష్ ని ఇచ్చేలా యాక్షన్ సీక్వెన్స్ కూడా ఉంటాయట.

విజయసాయిరెడ్డిని టార్గెట్ చేసిందెవరు?

ఇక గత ఏడాది సుజీత్ దర్శకత్వంలో ప్రభాస్ హీరోగా వచ్చిన భారీ యాక్షన్ ఎంటర్టైనర్ సాహో మిశ్రమ ఫలితాలను అందుకున్నా… మెగాస్టార్ చిరంజీవి సుజీత్ టాలెంట్ పై నమ్మకముంచి అతనికి ఈ భారీ సినిమా అవకాశం ఇచ్చారు. మరి ఈ మెగా ఛాన్స్ ను సుజీత్ ఉపయోగించుకుంటే ఇక అతను స్టార్ డైరెక్టర్ అయిపోయినట్లే. మరి ఈ మూవీని ఈ యంగ్ డైరెక్టర్ ఏ రేంజ్ లో హిట్ చేస్తాడో చూడాలి.

Tags
Back to top button
Close
Close