ఆంధ్రప్రదేశ్మిర్చి మసాలారాజకీయాలు

రోజాగారు…ఇంత దిగజారుడు అవసరమా?

 

Roja

వైసీపీ ఎమ్మెల్యే, నటి రోజా తన హోదాను మరిచి ఇటీవల దిగజారుడు పనులు చేస్తున్నారు. మొన్నటికి మొన్న రాష్ట్రంలో కఠినమైన ఆంక్షల మధ్య లాక్ డౌన్ అమలవుతున్న సమయంలో తన నియోజకవర్గం నగరిలో ఒక గ్రామాన్ని సందర్శించి కొత్త బోర్‌ వెల్ ప్రారంభించారు. ఆ సమయంలో అధికారపార్టీ ఎమ్మెల్యే నడుస్తున్న దారిలో పూలు వేదజల్లుతూ.. స్వాగతం పలికించుకొని విమర్శలు పాలయ్యారు. ఈ ఘటన మరువకముందే ఇప్పుడు మరో టాపిక్ తో వార్తల్లో నిలిచారు.

2019 సార్వత్రిక ఎన్నికల ప్రచారంలో భాగంగా రోజా నోటి దురుసుతో జనసేన అధినేత పవన్ కళ్యాణ్ పై వ్యక్తిగత విమర్శలు చేసారు. ఒకప్పుడు ఆయన చేయించుకున్న గుండు పై ఆమె మాట్లాడిన ఒక వీడియో ఇప్పుడు సామాజిక మాధ్యమాల్లో వైరల్ అవుతోంది. తాజాగా ఈ వీడియోను హీరోయిన్ పూనమ్ కౌర్ లైక్ చేయడం హాట్ టాపిక్‌ గా మారింది.
పవన్ పై విమర్శలు చేస్తూనే మరోవైపు రోజాని వెనకేసుకొని రావడంతో పూనమ్ సర్వత్రా విమర్శలు ఎదుర్కొంటోంది.

విమర్శలలో నిజమెంత?

పరిటాల రవి చనిపోయే నాటికి రాయలసీమలో ఆయనకు సెపేరేట్ క్రేజ్ ఉండేది. అప్పట్లో ఏదో ఇష్యూపై  ఆయన హీరో పవర్ స్టార్ పవన్ కళ్యాణ్‌ కు గుండు కొట్టించారనే ప్రచారం జరిగింది. అప్పట్లో ఒక ఇంగ్లీష్ పత్రిక ఓ కథనాన్ని కూడా ప్రచురించింది. దానికి నిరసనగా పవన కళ్యాణ్ ఆ పత్రికా ఆఫీసు ముందు ధర్నా కూడా చేసారు. అయితే పవన్ కళ్యాణ్ మాత్రం తాను అప్పట్లో అందరిలాగే నేను కూడా గుండు చేయించుకున్నట్టు చెప్పుకొచ్చారు. ఇక పరిటాల రవిని తాను ఎప్పుడు కలవలేదని కూడా క్లారిటీ ఇచ్చారు. అయినప్పటికీ ఆ వార్తలు మాత్రం ఆగలేదు. 2019 సార్వత్రిక ఎన్నికల ప్రచారంలో, 2014లో కూడా పవన్ కళ్యాణ్‌ కు గుండు కొట్టించారని రోజా సెటెర్లు వేసింది.