టాలీవుడ్సినిమా

తేజ.. సాయి పల్లవికి ఫిక్స్ ! ‌


యాక్షన్ హీరో గోపీచంద్‌ కి కూడా బాలయ్య లాగే హీరోయిన్ సమస్య ఉంది. ప్రెజెంట్ ఉన్న చాలామంది హీరోయిన్స్ గోపిచంద్ కి సెట్ అవ్వరు. ప్రస్తుతం గోపిచంద్ హీరోగా టాలెంటెడ్ డైరెక్టర్ తేజ దర్శకత్వంలో రూపొందనున్న సినిమా ‘అలిమేలుమంగ వేంకటరమణ’లో కూడా హీరోయిన్ సమస్యే. పైగా అలిమేలు మంగ పాత్ర మీదే సినిమా నడుస్తోందట. మరి అలాంటి పాత్రలో ఎవరు నటిస్తున్నారని గత కొన్ని రోజులుగా సోషల్ మీడియాలో అనేక రూమర్స్ ను వండి వార్చారు రాతల రాయుళ్లు. అయితే తాజాగా సినీ వర్గాల సమాచారం ప్రకారం అలిమేలు మంగగా టాలెంటెడ్ హీరోయిన్ సాయి పల్లవిను ఫైనల్ చేసే అవకాశం ఉందని ఫిల్మ్ నగర్ లో టాక్ వినిపిస్తోంది.

నిజానికి ఇప్పటికే స్టార్ హీరోయిన్ల పేర్లని కూడా తేజ పరిశీలించారు. వారిలో ముఖ్యంగా కాజల్‌, అనుష్కలో ఒకర్ని హీరోయిన్ గా తీసుకోవాలని వాళ్ళు అయితేనే పాత్రకు న్యాయం జరుగుతుందని తేజ గట్టిగానే నమ్మాడు. కానీ గోపిచంద్ ప్లాప్ ల పరంపరతో పాటు ఈ సినిమా చిత్రీకరణలు మొదలయ్యే నాటికి కాజల్, అనుష్క ఖాళీగా ఉండాలి. బల్క్ డేట్స్ ఇచ్చే పరిస్థితి ఉండాలి. ప్రస్తుతం కాజల్‌ చేతిలో ‘మోసగాళ్లు’, ‘ఆచార్య’, ‘ముంబయి సాగా’, ‘భారతీయుడు2’తో పాటు మరో బాలీవుడ్‌ సినిమా కూడా ఉంది. అనుష్క కూడా వచ్చిన సినిమాలన్నీ అంగీకరించే మూడ్ లో లేదు. అయినా గోపిచంద్ హిట్ ఫామ్ లో ఉండి ఉంటే కష్టం అయిన సర్దుకుపోయేవాళ్ళు. కానీ యాక్షన్ హీరోకి హిట్ లేకపాయే.

దాంతో చేసేది ఏం లేక తేజ మిగిలిన హీరోయిన్స్ లిస్ట్ ను చూడగా.. హీరోయిన్ కీర్తి సురేష్ అయితే బాగుంటుందని మొదట అనుకున్నా ఇప్పటికే కీర్తి వరుస సినిమాలు ఒప్పుకుని హౌస్ ఫుల్ బోర్డ్ పెట్టేసింది. ఈ మధ్యలో రకుల్ ను కూడా కదిలించారు గానీ, ఎక్స్ పోజింగ్ కి తప్ప ఎక్స్ ప్రెషన్ కి పనికిరాని రకుల్ ను పెట్టుకుని ఇంకో ప్లాప్ కొట్టడం ఇష్టం లేక, తేజ.. సాయి పల్లవికి ఫిక్స్ అయ్యాడు.