బాలీవుడ్వైరల్సినిమా

సల్మాన్ పాడిన హిందూ-ముస్లిం సాంగ్ వైరల్..


బాలీవుడ్ కండలవీరుడు ప్రతీయేటా రంజాన్ సందర్భంగా అభిమానులకు ఏదో ఒక సినిమా అప్డేట్ ఇస్తూనే ఉంటారు. ఈసారి దేశంలో లాక్డౌన్ కారణంగా సినిమా షూటింగులు వాయిదా పడటంతో అలాంటి అప్డేట్ కుదరలేదు. అయినప్పటికీ సల్మాన్ అభిమానులను నిరాశపర్చలేదు. ఈద్ కానుకగా ‘భాయ్ భాయ్’ టైటిల్ తో వీడియో సాంగ్ ను రిలీజ్ చేశాడు. జాతి సమైక్యత చాటేలా ఈ వీడియో సాంగ్ ను రూపొందారు. ప్రస్తుతం ఈ పాట అందరి మన్నలను పొందుతోంది. లాక్డౌన్ కారణంగా సల్మాన్ తన ఫామ్ హౌజ్ కే పరిమిమయ్యాడు. ఫామ్ హౌజ్ లోనే ఉంటూ ‘ప్యార్ కరోనా’, ‘తెరే బినా’ పాటలను ఇప్పటికే రిలీజ్ చేశాడు.

తాజాగా ముస్లింల అతిపెద్ద పండుగ రంజాన్ ను పురస్కరించుకొని సల్మాన్ ఖాన్ ‘భాయ్.. భాయ్’ సాంగ్ రిలీజ్ చేసి అందరికీ ఈద్ శుభాకాంక్షలు తెలిపారు. సల్మాన్ ఖాన్ ఈ పాటను రుహాన్ అర్షద్‌తో కలిసి పాడాడు. ఈ పాటకు సాజిద్ వాజిద్ సంగీతం అందించగా సల్మాన్ ఖాన్, డానిష్ సబ్రి సాహిత్యం అందించారు. ర్యాప్ సాహిత్యాన్ని రుహాన్ అర్షద్ రాశారు. ‘యారో హమ్ తయార్ హై.. అప్పీ హై త్యోహార్ హై.. అంటూ సాగే పాటలో హిందూ, ముస్లిం భాయ్ భాయ్.. క్యాబోల్తే మియా భాయ్.. హిందూ ముస్లిం భాయ్ భాయ్, క్యాబోల్తే హిందూ బాయ్ అంటూ సల్మాన్ హుషారుగా పాడారు. మధ్య మధ్యలో సల్మాన్ అదిరిపోయేలా చిన్న స్టెప్పులు వేసి అభిమానులను అలరించాడు. ఈద్ సినిమా రిలీజు చేయలేకపోవడంతో ఈ వీడియో సాంగ్ అందిస్తున్నట్లు సల్మాన్ తెలిపాడు. అందరిలో సోదరభావం, ఐక్యతకు పెంచేలా ఈ సాంగ్ ఉండటంతో ప్రతీఒక్కరు సల్మాన్ భాయ్ ను ప్రశంసిస్తున్నారు. ఈ పాటను ప్రతీఒక్కరూ షేర్ చేస్తుండటంతో ట్రెండింగ్లో దూసుకెళుతుంది.