బాలీవుడ్సినిమా

కమిట్మెంట్ అడిగితే నిర్మాతకు చుక్కలు చూపించిన హీరోయిన్


సినిమా ఇండస్ట్రీలో కాస్టింగ్ కౌచ్ అంశం నివురుగప్పిన నిప్పులా ఉంటోంది. ఇప్పటికే పలువురు సెలబ్రెటీలు చిత్రసీమలో తమకు ఎదురైన లైంగిక వేధిపులపై గళమెత్తారు. మీటు ఉద్యమ ప్రభావంతో పలువురు తారలు ఇండస్ట్రీలో తమకు ఎదురైన చేదు అనుభవాలను మీడియా ముఖంగా పంచుకుంటున్నారు. తాజాగా మరాఠీ హీరోయిన్ శృతి మరాతే కాస్టింగ్ కౌచ్ అంశంపై ఓ ఇంటర్య్వూలో సంచలన కామెంట్స్ చేశారు.

సినిమా అవకాశాల కోసం వచ్చే అమ్మాయిలను కొందరు కీచకులు టార్గెట్ చేస్తుంటారని వీరిపట్ల అప్రమత్తంగా ఉండాలని శృతి మరాతే సూచించారు. తనకు కూడా సినిమా ఇండస్ట్రీలో లైంగిక వేధింపులు ఎదురయ్యాయని తెలిపారు. అయితే వాటిని ధైర్యంగా ఎదుర్కొన్నట్లు ఆమె చెప్పారు. ఓ నిర్మాత తన సినిమాలో ఛాన్స్ కావాలంటే ఒక రాత్రి తనతో గడుపాలని అడిగాడని ఆరోపించింది. కమిట్మెంట్ అయితే అవకాశాలు వస్తాయంటూ చిరాకు తెప్పించే మాటలు మాట్లాడడని చెప్పింది. దీంతో ఆమె ‘నా విషయం పక్కన పెట్టండి.. హీరోని కూడా ఇలానే అడిగావా? అతను కూడా పడుకోవాల్సిందేనా? అలా అయితేనే నీ సినిమాలో అవకాశం ఇస్తావా’ అని స్ట్రాంగ్ కౌంటర్ ఇచ్చినట్లు చెప్పింది. దీంతో సదరు నిర్మాత తన సినిమాలో అవకాశం ఇవ్వలేదని తెలిపింది.

అయితే ఆ విషయం గురించి తానేప్పుడు బాధపడలేదని తెలిపింది. ఇలాంటి విషయాల్లో మహిళలు ధైర్యంగా ఉండాలని సూచించింది. మన విలువలను కాపాడుకుంటూనే చిత్రసీమలో ముందుకెళ్లాలని శృతి మరాతే అంటోంది. కొందరు కీచకులు సినిమా అవకాశాల కోసం అమ్మాయిలను టార్గెట్ చేస్తుంటారని వారిని ధైర్యంగా ఎదుర్కోవాలని అన్నారు. ఇదిలా ఉండగా సినీ ఇండస్ట్రీలో మహిళలు లైంగిక వేధింపులు ఎదుర్కోకుండా ప్రత్యేక కమిటీలను ఏర్పాటు చేశారు. అయినప్పటీకీ ఇంకా మహిళలపై వేధింపులు ఆగకపోవడం శోచనీయంగా మారింది. ఏదిఏమైనా శృతి మరాతే నిర్మాతకు చుక్కలు చూపించడంపై ఆమెకు అభినందలు వెల్లువెత్తుతున్నాయి.

Back to top button