టాలీవుడ్సినిమా

అంతలేదంటున్న తమన్నా

కొద్దిరోజులుగా తనపై వస్తున్న తప్పుడు ప్రచారాలపై మిల్కీ బ్యూటీ తమన్నా ఫైర్ అవుతోంది. దేశంలో నెలకొన్న విపత్కర పరిస్థితుల్లోనూ తమన్నా ఓ సినిమా కోసం భారీగా పారితోషకం డిమాండ్ చేసిందనే వార్త సోషల్ మీడియాలో హల్చల్ చేస్తోంది. లాక్డౌన్ కారణంగా ప్రస్తుతం షూటింగులు ఆగిపోవడంతో సినీ ఇండస్ట్రీ ఇబ్బందులు ఎదుర్కొంటుంది. ఇలాంటి తరుణంలో పలువురు తారలు తమ పారితోషికం తగ్గించుకుంటుంటే తమన్నా మాత్రం భారీ పారితోషికం డిమాండ్ చేయడం ఏంటని పలువురు విమర్శలు చేస్తున్నారు. దీనిపై తమన్నా క్లారిటీ ఇచ్చింది.

త్రినాథరావు నక్కిన దర్శకత్వంలో మాస్ మహారాజ్ రవితేజ ఓ మూవీ చేయనున్నాడు. ఈ మూవీలో హీరోయిన్ కోసం తమన్నాను నిర్మాతలు సంప్రదించగా ఆమె మూడు కోట్లు డిమాండ్ చేసిందనే వార్తలు వచ్చాయి. నిర్మాతలు 2.5కోట్ల ఇస్తామని ఆఫర్ చేసినా ఆమె ఒప్పుకోలేదని సోషల్ మీడియాలో విస్కృతంగా ప్రచారం జరిగింది. దీనిపై తమన్నా స్పందిస్తూ నేను మూడు కోట్లు డిమాండ్ చేశానని చెప్పడం అవాస్తమని చెప్పింది. కెరీర్లో తానేప్పుడు రెమ్యూనరేషన్ విషయంలో డిమాండ్ చేయలేదని కావాలంటే తనతో పనిచేసిన నిర్మాతల్ని అడిగి తెలుసుకోవచ్చని తమన్నా అంటోంది. తనకు పాత్రలు నచ్చితే కొన్ని సినిమాలకు సగం రెమ్యూనరేషన్ కే పనిచేసిన సందర్భాలు ఉన్నాయని తెలిపింది.

కాగా ఇటీవల కాలంలో తమన్నాపై పలు పుకార్లు షికార్లు చేస్తున్నాయి. తమన్నాకు సినిమా ఆఫర్లు తగ్గాయని.. తమన్నా కెరీర్ ముగిసినట్లేనంటూ పలు కథనాలు వచ్చాయి. దీనిపై కూడా తమన్నా తీవ్రస్థాయిలో మండిపడింది. తాను సినిమాలతో బీజీగా ఉన్నానని తనపై తప్పుడు ప్రచారాలు చేయద్దంటూ విజ్ఞప్తి చేసింది. అయినప్పటికీ మిల్కీ బ్యూటీపై పుకార్లు ఆగకపోవడం గమనార్హం.