టాలీవుడ్సినిమా

పవన్ సినిమా కోసం ఫిల్మ్ సిటీలో.. !

Vakeelsab-movie

కరోనా మహమ్మారి లేకుండా ఉండి ఉంటే ఈ పాటికి పవర్ స్టార్ పవన్ కళ్యాణ్ ‘వకీల్ సాబ్’ సినిమా షూటింగ్ పూర్తయిపోయి రిలీజ్ అయిపోయి ఉండేది. కానీ లాక్ డౌన్ కారణంగా 80 శాతం వద్ద ఈ సినిమా షూటింగ్ దగ్గరే ఆగిపోవడం పవన్ ఫ్యాన్స్ నిరాశే. లాక్ డౌన్ ముగియగానే షూట్ తిరిగి మొదలుపెట్టాలని టీమ్ ప్లాన్ చేస్తోన్నా.. పవర్ స్టార్ షూట్ కి వచ్చే పరిస్థితి కనబడటం లేదు.

అయితే రామోజీ ఫిల్మ్ సిటీలో ప్రత్యేకంగా కోర్టు సెట్ వేస్తున్నట్టు తెలుస్తోంది. ఇక మిగిలిన షూటింగ్ మొత్తం ఫిల్మ్ సిటీలోనే పూర్తి చేయనున్నారు. ఇక ఈ సినిమా ఓ ఫైట్ మీద ఓపెన్ అవుతుంది. లాంగ్ గ్యాప్ తర్వాత పవన్ కళ్యాణ్ స్క్రీన్ మీద కనబడనున్న తొలి సీన్ ఫైట్‌ కావడం పవన్ ఫ్యాన్స్ కి మంచి కిక్ ఇచ్చే అంశం. ఈ రీమేక్ మూవీ ఒరిజినల్ వెర్షన్ కంటే చాలా భిన్నంగా ఉంటుందట.

తెలుగు ప్రేక్షకుల అభిరుచికి తగ్గట్టు స్క్రిప్ట్ లో చాలానే మార్పులు చేశారని.. ముఖ్యంగా పవన్ కోసం యాక్షన్ సాంగ్స్ యాడ్ చేశారని సమాచారం. ప్రముఖ నిర్మాత దిల్ రాజు నిర్మిస్తున్న ఈ చిత్రాన్ని వేణు శ్రీరామ్ డైరెక్ట్ చేస్తున్నారు. సామాజిక సందేశం ఉన్న సినిమాను చేయాలనే ఉద్దేశ్యంతో పవర్ స్టార్ ఈ చిత్రాన్ని ఎంచుకున్నారు.